The “Associação Empresarial das Mulheres de Timor-Leste” (AEMTL), is a business-oriented association that represents and defends the interests and aspirations of all Timorese women entrepreneurs and is conscious of the various interests and expectations of its members, as such participation and involvement of both its internal members and external stakeholders remains a core of its programing approach.
 
“Associação Empresarial das Mulheres de Timor-Leste” (AEMTL), hanesan asosiasaun ida ne’ebé reprezenta no defende interese  no aspirasaun husi emprezaria feto timor-oan sira no iha konsiénsia ba interese no espektativa husi nia membru sira. Tamba ne’e involvimentu husi membru internu sira no husi parte ho interese externa sira sai nafatin elementu sentrál ba abordajem programátika nian.
 
AEMTL hakarak foti sa’e tendensia foun iha dinamika sektor privadu nian: hasa’e propriedade hodi hamenus dependensia ba projetu publiku sira, negosiu estruturadu no profisional liu tan, sai duni sektor produtivu no alternativa eficaz ba kriasaun empregu no haburas rendimentu sektor publiku nian no, iha prosesu ida ne’e, explora forma inovador no kriativu atu hala’o negósiu iha Timor-Leste no iha rai liur.
 
Ho konsiénsia ida ne’e, AEMTL hahú prosesu planeamentu estratéjiku konsultivu no partisipativu ne’ebé hala’o liu husi análize dokumentu relevante sira, avaliasaun institusionál ida, entrevista ba membru xavi no ekipa sektorial sira, no mos ho workshop kona-bá planeamentu estratéjiku ne’ebé hala’o durante loron rua iha Dare, Dili, husi loron 16 t’o loron 18, fulan fevereiro, tinan 2018 liu-bá.
 
Rezultadu husi prosesu konsultivu ne’e foti husi Asistente Teknika ida, ne’ebe UNWomen mak kontrata, ne’ebé nakfila ba Relatóriu Diskusaun ida ne’ebe sai baze ba dezenvolvimentu Planu Estratéjiku ne’e rasik. Ita tenke rekoñese katak UNWomen mak fó biban atu hahú prosesu ne’e, hanesan ajensia dahuluk sira ne’ebé sai parseiru AEMTL nian.
 
Planu ne’e apresenta mos roteiru ba AEMTL ida foun, ne’ebé asosiasaun nia lideransa kompromete atu halo tuir durante mandatu iha tinan haat tuir mai hodi hetan exselénsia ida sustentável no mos sai lian ba fetu emprezaria sira iha Timor-Leste.
 
atu download kopia ida husi planu estratéjiku