Premiu Emprendedor Feto Timor-Leste

PREMIU EMPRENDEDOR FETO TIMOR-LESTE

International Finance Corporation (IFC) no Associação Empresarial das Mulheres de Timor-Leste (AEMTL), iha parseria ho Governu Austrália, haksolok atu hahú Premiu Emprendedor Feto Timor-Leste nian

Prémiu nia objetivu atu:

Selebra feto sira ne’ebé sai di’ak liu iha sira-nia karreira, negósiu no empreendedorizmu enkuantu sai hanesan modelu ba ema seluk.

Apresia no enkoraja autoridade ezekutiva, lejislativa, públika no privada, no sosiedade sivíl ba sira-nia kontribuisaun ba igualdade jéneru, diversidade, governasaun di’ak no inkluzaun finanseira

Hatudu apresiasaun ba esforsu, inisiativa no projetu institusionál no individuál sira ne'ebé foka ba integrasaun diversidade no inkluzaun finanseira ba feto sira

KATEGORIA PRÉMIU NO KRITÉRIU NOMEASAUN

INISIATIVA EMPODERAMENTU EKONÓMIKU

Ezemplu di'ak liu hosi inisiativa/projetu ida ne'ebé promove inkluzaun finanseira ba feto sira: Kategoria ida-ne'e rekoñese inisiativa/programa ida ne'ebé promove ho efetivu inkluzaun finanseira feto nian

Ezemplu di'ak liu kona-ba Inisiativa/ Projetu ne'ebé Promove Empreendedorizmu ba Feto sira: Kategoria ida-ne'e rekoñese inisiativa/programa ida ne'ebé promove ho efetivu prezensa no kreximentu negósiu sira ne'ebé lidera hosi feto sira iha setór MSME

KAPASITASAUN PROFISIONÁL

Ezemplu Di'ak liu kona-ba Mentorizasaun/Akompañamentu ne'ebé foka ba Promosaun Empoderamentu Ekonómiku Feto nian (Individuál): Kategoria ida-ne'e rekoñese esforsu mentorizasaun ka akompañamentu exesionál ne'ebé fó kbiit ba feto sira atu sai independente ekonomikamente no kontribui ona ho signifikativu ba kreximentu no dezenvolvimentu profisionál feto sira-nian.

Inisiativa Aprendizajen ka Treinamentu Di'ak liu ne'ebé Foka ba Abilidade Finanseira no Negósiu ba Feto sira (Organizasaun/Empreza): Kategoria ida-ne'e selebra programa aprendizajen ka formasaun di'ak liu ne'ebé dezeña espesífikamente atu hasa'e abilidade no koñesimentu finanseiru no negósiu/jestaun feto sira-nian, ne'ebé fornese hosi organizasaun ida ka empreza

NEGÓSIU LIDERA HUSI FETO

Negósiu sira ne'ebé lidera hosi feto di'ak liu iha tinan ida-ne'e (liu tinan 2): Kategoria ida-ne'e rekoñese negósiu ne'ebé feto ida lidera ho susesu durante tinan rua liu, no hatudu exelénsia no lideransa.

Start-up ida ne'ebé lidera hosi feto di'ak liu iha tinan ne'e (menus hosi tinan 2): Kategoria ida-ne'e rekoñese start-up ida ne'ebé lidera hosi feto ne'ebé hatudu ona inovasaun no kreximentu ne'ebé notável iha tinan rua dahuluk operasaun nian.

FETO IHA JESTAUN

Feto Líder Korporativu Tinan nian (Diretora Jerente/Xefe Ezekutivu/Prezidente/Prezidente Konsellu Administrasaun nian): Kategoria ida-ne'e fó onra ba ezekutivu feto ida ne'ebé hatudu ona abilidade lideransa no jestaun ne'ebé exesionál iha nia knaar.

Modelu Karreira nian ba Tinan: Kategoria ida-ne'e selebra feto ida ne'ebé maka sai hanesan líder korporativu ne'ebé inspiradór no modelu karreira nian ba feto sira liu hosi nia mentorizasaun, realizasaun sira no kontribuisaun sira ba komunidade.

FETO IHA SERVISU FINANSAS

Feto Líder iha Setór Servisu Finanseiru (Individuál): Kategoria ida-ne'e fó onra ba feto ida ne'ebé hatudu ona lideransa destakadu iha setór finanseiru nia laran, hodi lori impaktu no mudansa signifikativu.

Inovasaun Finanseira Di'ak liu ne'ebé Foka ba Jéneru (Organizasaun/Empreza): Kategoria ida-ne'e rekoñese solusaun ka produtu inovativu sira iha setór servisu finanseiru ne'ebé espesifikamente foka ba inkluzividade jéneru.

Ami konvida ita-boot atu hamutuk ho ami hodi rekoñese kontribuisaun notável sira hosi ema ida-idak no instituisaun sira ne'ebé inspira no lidera ho ezemplu. Nomeia kandidatu ida ne’ebé merese ohin no halo parte iha selebrasaun ba feto inspiradór sira ne’ebé transforma hela Timor-Leste.

Rekizitu Nomeasaun:

Ema hotu bele hatama nomeasaun (Nomeasaun rasik ka nomeia ema seluk) ba Prémiu Feto Emprezária ho kandidatu nia autorizasaun.
Nomeasaun sira nakloke ba indivíduu sira hosi nasionalidade hotu-hotu.
Nomeadu sira bele mai hosi setór públiku, setór korporativu, asosiasaun sira, ka organizasaun naun-governamentál sira.
Negósiu sira ne'ebé bazeia iha Timor-Leste de'it maka bele hetan nomeasaun.
Nomeadu sira labele sai juis ka iha relasaun ho juis ida iha Komisaun Atribuisaun Prémiu.
Nomeasaun bele hatama ba kategoria 1 to’o 3 de’it. Juis sira rezerva direitu atu koloka kandidatu sira iha kategoria ne'ebé adekuadu liu bazeia ba sira nia perfíl, ne'ebé bele diferente hosi kategoria sira ne'ebé inisialmente hili hosi kandidatu.
Nomeasaun sira tenke esplika ho klaru tanba saida maka kandidatu ne'e sai destakadu ba prémiu ne'ebé maka hili ona. Presiza informasaun sufisiente ne'ebé destaka kandidatu nia realizasaun individuál no korporativu sira.
Manán na’in tenke tuir Serimónia Entrega Prémiu iha Dili hodi simu rasik sira nia prémiu. Prémiu sira sei la haruka ba manán-na'in sira.
NOMEASAUN LOKE TO 30 SETEMBRU 2024

Buti iha Aplika Agora ka deskarga formulariu no haruka ba email wawardstl@ifc.org iha kraik atu nomeia ita-nia an, indivíduu, organizasaun, institutu ka inisiativa ba ‘Prémiu Feto Emprezária Timor-Leste 2024’ ne’ebé sei hala’o iha loron 8 fulan-Novembru iha Dili.

Kontaktu direta ba email wawardstl@ifc.org ka iha AEMTL.